Виртуалчлалын hypervisor хост, хадгалах төхөөрөмж хоёр нь техник хангамжийн хувьд тусдаа байсан уламжлалыг QNAP-ийн шинэ шийдэл болох TDS-16489U давхар сервер нь эвдлээ. Учир нь тус сервер нь аппликэйшн болон сторэйж сервер гэсэн хоёр өөр серверийн үйл ажиллагааг нэгтгэн техник хангамжийн хувьд нэг болгосон.
Том хэмжээний виртуалчлалд өнөр хүчин чадал бүхий техник
хангамж шаардлагатай болдог. Харин QNAP –ийн хувьд энэ нь асуудал биш болсон
байна. Давхар сервер цуврал нь E5-2600 v3 Xeons процессор, DDR4 санах ойтой
анхны сервер юм.
Тус цуврал нь дөрвөн загвараас бүрдэнэ. TDS-16489U-SA1
загвар нь 2 ш 2.4GHz E5-2620 v3 Xeons процессор, 64GB DDR4 RDIMM санах ойтой. SA2 загвар нь процессорын
хувьд ижил, санах ойг 128GB хүртэл нэмэгдүүлэх боломжтой.
Хэрэв үүнээс өндөр үзүүлэлттэйг
хүсэж байгаа бол SB2,
SB3 загварууд нь тус бүрдээ 8 core E5-2630 v3 процессор, 128GB, 256GB DDR4
санах ойтой. Эх хавтан нь 16 ш DIMM
слоттой тул бүх загварын хувьд 1TB хүртэл өргөтгөх боломжтой.
Виртуалчлал
QNAP-ийн Виртуаль стэйшн болон
Контэйнэр стэйшнүүд нь QTS програм хангамжийг багцад багтан, үнэгүй ирдэг тул хэрэглэгч
эдгээрийг тусламжтайгаар ямар ч төрлийн хост ашиглан хэдэн ч виртуал машин (VM)
үүсгэх боломжтой. Docker, LXC дээр VMware –ийн Marketplaces-ээс урьдчилан
тохируулсан VM импротлох, эсвэл бэлэн загвар ашиглан өөрийн VM –үүсгэх явц маш
хялбар болох нь туршилтаар харагдсан.
QNAP
Виртуал стэйшн, Контэйнер
стэйшны аппликэйншүүд дагалддаг
Бид
Ubuntu десктоп, Windows Server 2012 R2, Windows 10 –ийн VM, тэдгээрийн hard-ийг
локал диск дээр үүсгэсэн. Мөн тэдгээрийн имэйж рүү алсаас хандах, шаардлагатай
тохиолдолд snapshop үүсгэн хадгалах боломжтойг мөн туршсан.
Built-in консол
ашиглан VM рүү алсаас хандах боломжтой
Багтаамж
Тус сервер нь 12Gbps SAS 3 хатуу диск, SSD дэмждэг. Харин SAS өргөтгөгч ашиглаггүй. Бүтээмжийг
сайжруулахын тулд эх хавтанд LSI SAS 3 контроллёр суулгасан. Тус бүр нь 7
хүртлэх тооны 12Gbps портуудыг дэмждэг суурь хавтантай холбогддог.
Ар
талдаа нэмэлт 4 ш SFF hot-plug диксийн үүртэй. Энэ нь SSD –ээс кэш унших болон
унших, бичихэд зориулагдсан. Мөн NVMe PCIe SSD, график карт, 10GbE/ 40GbE сүлжээний
картууд суулгах зориулалттай 4 ш PCI-Express
слоттой.
Ар талдаа 4 ш SSD үүртэй
Сторэйжийн хэмжээг
1PB аас дээш нэмэгдүүлэхийн тулд 16
ширхэг дискийн үүрнээс SAS 3 дэмждэг 8 үүрийг 2 порттой SAS 3 адаптерт холбоно.
4 ш 10GbE SFP+ модул нь одоогоор ажиллахгүй
ч, 2 ш dual-port 10GbE адаптерийг ашиглах боломжтой.
Гүйцэтгэл
Туршилтад Windows Server 2012 R2 үйлдлийн системтэй, Emulex dual-port 10GbE SFP+ адаптертай, Boston Fenway
dual Xeon E5-2600 v4 rack сервер ашигласан.
NAS-ийн нийт гүйцэтгэлийг Iometer-оор
хэмжихэд унших болон бичих хурд тус бүр 9.2Gbits/sec, 9Gbits/sec байлаа. 25GB хэмжээтэй
туршилтын файлыг унших болон бичих хурд тус бүр 7.6Gbits/sec, 4.5Gbits/sec
байв.
10500 файлтай 22.4GB хэмжээтэй фолдерийг нөөцлөх
хурд дунджаар 2.6Gbits/sec. Динамик Xeon процессорын хувьд 25GB файлыг шифэрлэн
хуулах хурд 1.8Gbits/sec байв.
IP SAN ны хувьд 600GB файл унших, бичих
хурдыг Iometer-ээр хэмжихэд 9.2 Gbits/sec байв. Aчааллыг нэмж, хос 10GbE MPIO –д
холбоход хурд 18Gbits/sec, 15.2Gbits/sec болж нэмэгдсэн.
Веб броузер ашиглан алсаас хянадах IPMI чиптэй
Шатлалтай
хадгалалт
QNAP-ийн
шатлалтай хадгалах технологи нь Виртуалчлалын хэрэглэгчдэд давуу тал олгоно. Энэ
нь өгөгдлийг хэрэглээгээр нь 3 ангилалд хуваан, тус бүрийг нь ялгаатай
сторэйжүүдэд хадгалдаг. Бид үүнийг 400GB
HGST MLC SAS 3 SSD, 4 ш Seagate SAS 3 15K SFF драйвер, 4 ш WD Enterprise NL-SAS
LFF драйвер ашиглан туршсан.
Тус технологи нь өгөгдлийг ультра-өндөр хурдны, өндөр
хурдны, багтаамж шаардсан гэсэн 3 хэсэгт хуваагаад, харгалзах драйверүүдэд
хадгалах ажиллагаа автоматаар хийгддэг. Сүүлийн 2 ангилалд хамрагдах өгөгдлийг RAID
5 технологиор хадгална.
Өгөгдлийг ангилал хооронд шилжүүлэх ажиллагаа хуваарийн
дагуу автоматаар хийгддэг. Шаардлагатай тохиолдолд хэрэглэгч өөрөө хийх боломжтой.
Өгөгдөл шилжүүлэх явцыг статистик гэсэн цонхноос харж болно. Илүү дэлгэрэнгүй
мэдээлэл шаардлагатай тохиолдолд түүхчилсэн тайлангаас харна.
Qtier нь өгөгдлийг хэрэглэгдэх байдлаар нь 3 ангилан, ангилал тус бүрийг өөр өөр дискэд хадгадна.
Дүгнэлт
TDS-16489U
нь жижиг дунд хэмжээний байгууллагад тохирсон шийдэл бөгөөд тохиргоо хийх,
ашиглахад хялбар. Виртаул Стейшн, Контэйнэр стэйшний аппликэйшнүүд дагалдан
ирдэг тул цаашид нэмэлт лицензийн төлбөр төлөх шаардлагагүй.
TDS-16489U
нь серверийн төвшний төхөөрөмж бөгөөд олон тооны VM ажиллуулах өндөр хүчин
чадалтай, сторэйжийн багтаамж их, өргөтгөх болмжтой. TDS-16489U сторэйж сервэрээс
гадна Виртаулчлалын төхөөрөмжийн зах зээлд хүчтэй хүчтэй нөлөө үзүүлэхээр байна.
Техникийн үзүүлэлт
|
Хэмжээ:
3U pak
Процессор:
2 x 2.4GHz Xeon E5-2620 v3
Санах
ой: 64GB DDR4 RDIMM (1TB хүртэл)
Стойрэйж: 16 x hot-swap SAS 3/SATA 3 LFF/SFF, 4 x SFF SSD cache bays
RAID технологи:
RAID0, 1, 5, 6, 10, hot-spare, JBODs
Сүлжээ: 2 x Gigabit Ethernet; 2 x dual-port 10GbE SFP+ PCI-Express
cards
Өргөтгөх
боломж: 3 x PCIe x8, 1 x PCIe x16 (2 free)
Бусад
порт: 4 x USB 3, VGA
Power: 2 x 650W
hot-plug PSUs
Удирдлага: Web browser, Gigabit IPMI port
Баталгаат
хугацаа: 5 жил
No comments:
Post a Comment